KIA ta manera un barco sin capitan. Un caos total. Desde cu parlamentario Rocco Tjon a laga KIA, no a mira ningun director mas. Presonan ta manera rey den KIA cu telefon y droga.
E parlamentario tambe a tuma nota di e noticianan aki den medionan di comunicacion. Tin cu bisa, manera cu ta conoci, un di e aspectonan cu ta wordo audit riba dje, ta e siguridad interno. Obviamente esaki ta un aspecto cu mester di atencion.
Tjon a aclarea un punto tambe. Pa cualkier motibo ainda tine pensamento cu e lo ta director di KIA y na mesun momento parlamentario, esaki no ta e caso.
Na momento cu el a asumi su responsabilidad den Parlamento, na mes momento tambe ta distancia di e otro trabao cu tin.
A debati durante presupuesto specifico riba e situacion di KIA. Sa cu tin un plan, cual Tjon ta considera realistico tambe pa yega na un KIA nobo y ta spera y ta optimista tambe cu pronto e prome pasonan pa e plan aki lo cuminsa wordo ehecuta.
Na mes momento Tjon a agrega cu como instituto coreccional, ni cuanto medida tuma, y no ta pa praat nada goed, ta haya articulonan manera celular, arma, droga, etc. Tin cu tuma precaucion pa limita esaki. Pero den tur prizon y instituto coreccional rond mundo, ta practicanan cu ta tuma luga.
Pa por mitiga esaki, no ta solamente pone un director, pero e ta obviamente tambe mester tin e procesonan in place, mester tin e reglanan cu ta eleva e siguridad interno na KIA, mester ta na su luga.
Hopi biaha tambe, mester di un inversion.
Tur cos a cay bek den otro
Hopi hende a elogia Tjon pa su trabao na KIA. Semper el a bin ta bisa cu no tabata un trabao di dje, sino e tin di haber cu e manera con tabata traha hunto na KIA. Personal, e mes den directie e tempo ey, pero tambe e cooperacion cu nan tabata haya di otro instancianan. Esey ta e rumbo cu mester sigui. Tjon ta pensa cu mas lihe posibel ta necesario pa yena e vacatura cu awor aki no ta yena, esta esun di director. Na final di dia e director si ta esun cu tin cu impone e rumbo cu e kier guia e organisacion.
Tjon a splica cu tin diferente manera articulonan ilegal ta drenta den KIA. Pesey ta importante pa percura pa tur presencia di siguridad interno, ta na su luga. E ta rekeri no solamente material, no solamente placa, pero suficiente personal.
Tin hopi factor ta hunga un rol den esaki. Tjon no ta bay den mucho den detaye di e aspectonan aki, pasobra na fin di dia e por afecta e personal cu ta traha eynan.
AO Melding
Tempo cu el a asumi su responsabilidad cu 16%. A logra baha esaki te na 10%. Awor aki e no sa con halto e ta, pero a scucha si cu tin momento cu e ta halto atrobe. A yega di haci un investigacion tambe den colaboracion cu Universidad di Aruba, na 2016 y tin hopi factor cu ta influencia e porcentahe di AO Melding. Obviamente si e personal ta motivo si of no tin di haber cu esaki. Pero tambe aspectonan infrastructural ta hunga un rol riba esaki. Atrobe e plan cu tin pa yega na un KIA nobo, ta un plan riba termino largo, pero cu na final di dia lo conduci si na mehora entre otro e motivacion di e personal tambe na KIA.
Traha den KIA
Tjon semper a traha cu hopi gusto na KIA. Ta un organisacion cu tin hopi potencial. Atrobe e tin un rol hopi importante den e cadena hudicial. Un persona cu comete un fout, na final di dia, ta importante cu ora e ta sintando su castigo, e wordo rehabilita, e haya su cursonan necesario pa e por reintegra bek exitosamente den nos comunidad.
Tjon semper ta bisa cu e no ta vies pa traha aden, pero e peso di e trabao ta pisa pa e trahadonan. Ta importante pa mas lihe posibel a formatieplan keda cla awor aki, e wordo formalisa, pasobra e ta bay den man den man cu entre otro cu un structura salarial nobo pa e personal aki.
KIA
Un di e aspectonan cu ta wordo geaudit, ta cuanto actividad ta brinda na e detenidonan y e calidad di e actividadnan aki. Tin curso y tambe tin aspectonan cu nan ta haya chens pa traha den e instituto. Esey ta e meta di e organisacion. Sa cu werkplaats ta un di e departamentonan cu mester percura pa esaki. Echt hopi den detaye awor aki con e parti operativo ta, no por splica riba esey. Tjon sa cu tabata tin plan y programanan andando, cual e sa cu ainda ta andando tambe.
