Tin hopi interes p’e vacuna contra COVID-19. Diahuebs mainta tabatin rij largo na DVG (Departamento di Salud Publico).
Relacionista publico di DVG, Jurette Croes a comenta cu durante fin di siman tabatin e Vacunathon y despues di esey a informa na varios ocasion cu DVG lo ta cera pa loke ta vacunacion riba dialuna, diamars y diaranson.
Diahuebs, 2 di december a habri porta bek, pero cu cita. Hopi hende a yega sin cita, cual ta haci cu e rij ta bira hopi largo innecesariamente. Na momento cu tin personal ta cana rond ta puntra si e persona tin cita of no, mester informa e persona cu nan tin cu bay nan cas y traha un cita, cual por bin disgusto.
Ta hopi importante pa nan sa cu mester haci un cita pa por haya sea di dos vacuna of nan boostershot.
Tin cu yama 2800101 of yama 5224200 pa un cita.
Fuera di esey DVG a manda un invitacion na tur dunado di cuido y trahado riba base diario cu pashent, pa bay busca nan ‘boostershot’.
Pe grupo di dunado di cuido por busca e ‘boostershot’ diahuebs 2 y diabierna 3 di december na IMSan na San Nicolas, caminda cu e ambulancenan ta staciona fo’i 9:00 am te cu 3:00 pm ‘nonstop’. No ta necesario pa traha un cita.
P’e grupo aki lo haci uzo di e sistema ‘walk-in’ teniendo na cuenta cu e diferente orarionan di trabao.
Ta bezig cu planificacion pa habri diferente MFA. Entre awe 2 y mañan 3 di december lo saca e informacion aki. Tur siman lo bay habri diferente MFA pa por ta un tiki mas cerca di comunidad.
Hunto cu e prikpost di DVG, lo tin diferente MFA habri tambe pa comunidad por yega. E ta keda riba cita y no por walk-in.
Pa un cobertura mas amplio lesa e edicion di TREMPAN di mañan.
