Awe Parlamento a tene un encuentro publico riba e tema di Integridad. E reunion aki a cuminsa caba algun siman atras pero a pospone.
Awe na momento cu a sigui cu esaki, Parlamentario Richard Arends, di fraccion di AVP, a pidi palabra na Presidente di Parlamento Ady Thijsen. Arends a pidi si por a tene un minuut di silencio pa e fayecido docente / politico Walfrido (Frido) Croes, kende a fayece recientemente despues di un lucha largo cu su malesa.
Thijsen a splica su intencion tabata pa tene e minuut di silencio den e reunion publico mañan, diaranson. Pero mirando cu ta trata aki di un bon intencion sigur y pa honra un persona, cu a yega di ocupa e puesto di Presidente y vice Presidente di Parlamento, el a bay di acuerdo. Asina a wanta e minuut di silencio na e politico.
