Ricardo Croes ta un uzado di cannabis y si puntre e dia siguiente, e lo contesta mesun cos. E pregunta a wordo haci net despues di reunion cu gobernador. Ricardo Croes a confirma su humamento di marihuana keto bay. Tin hopi cos ilegal cu ta pasa den parlamento.
Loke cu Croes haci den su bida priva, no a hiba e pais caminda cu e ta. Pero loke cu gobierno a haci, ta hiba e pais unda cu e ta. Loke cu alcohol ta haci cu e pais aki, ta importante pa enfoca riba dje. Cannabis no a stroba ningun momento sr. Croes pa tin un famia ehemplar. E no a strobe pa ta un persona integro y ehemplar riba e pais aki. E no a strob’e di studia ley, absolutamente. Pakico e mester stroba, pasobra den pensamento di otro ta asina? Pa nos tur ainda tin progreso.
Screening
Croes a comenta cu tin cu haci screening for di awo caba wak kico ta sorba. Tambe haci’e cu cuerpo policial. Por ta tin cu haci’e den media tambe. Ta hopi departamento lo keda bashi. Loke no haci cu sr. Croes ta manera algo cu ta henter e campaña a pinta sr. Croes sushi. A pinta su cara mahos, su cabey mahos. Awor aki ta papia di screening. Si a haci un screening corecto, awe nos no lo ta bibando e desaster aki. No mester enfoca riba sr. Croes, cu su bida priva. Sr. Croes a haya 3359 voto, papiando e berdad. Na e momento aki, e no lo bay bira un gañado pa complace ningun hende.
Hecho ta keda cu ta berdad e ta papia.
Tin cu laga e momento yega pa asina mira kico ta kico. Por a tende cu e tin strafblad, cu e no ta ministeriabel. Tur esaki a sosode den henter e campaña. Croes ta para cu un asiento. Awor tin cu respeta decision di pueblo y caba cu e fanatismo, cu populismo, cu sensacionalismo. E realidad ta papia. Sr. Croes, papiando e berdad a haya nada menos cu 3359 confiansa. E ta number 3 den voto den e pais aki y ningun momento so, e ta bay cambia su palabra. Al contrario. Loke e ta para pe den su bida priva, el a trece den politica. El a bay cun’e riba television y ta trece den parlamento di Aruba tambeAwor mester warda e resultado.
Ricardo Croes cargando e partido
El a haya mayoria di voto, carga e partido ta palabra completamente diferente. No ta Croes ta partido RED Democratico. RED Democratico ta consisti di 10 candidato. Directiva, consehero y tur decision cu a wordo tuma a base di tur locual Croes a bin ta presenta ta decisionnan cu a bin ta tuma democraticamente. Esun cu ta bin dilanti, hopi biaha ta e lider. Croes so no ta e partido. E so nunca no lo por a logra e exito aki sin e sosten, no solamente di e candidatonan, sino nan famia, y hopi otro hende cu a hunga un rol den e exito aki.
