E aña aki un biaha mas Centro di Bario Playa Pabou ta organisa un evento den cuadra di Dia Internacional di Hende Muhe, kende ta celebr’e riba 8 di maart. E biaha aki Centro di Bario Playa Pabou lo tin un sesion informativo caminda lo tin presentacion di notario.
Lo trata diferente tema, entre nan testament, erfpachtrecht, libertad di herencia y muhco mas. E ultimo evento tabata uno exitoso cu salanan yen yen. Dennis Burke di centr’i bario a conta cu un evento asina ta sumamente importante, den pasado e tabata un exitoso rotundo.
Mirando e demanda pa informacion, a dicidi di ripitie cu un orador cu lo sa di contesta tur pregunta. Centro di Bario Playa Pabou ta di opinion cu un persona miho informa ta contribui na un miho Aruba.
Durante aña tin diferente charla caminda ta informa no solamente e bario sino e comunidad completo riba diferte topico di interes. E evento lo ta uno completamente gratis, mayoria di nan actividadnan ta gratis. No tin mester di registra, e actividad ta cuminsa pa 7:00 pm na centro di bario mes. Ta stimula e comunidad pa yega trempan, e sala ta carga apenas 125 persona.
