Awe Bierna Santo atardi pa 2:00 pm a noticia polis di un mucha cu a haya problema den pool na un cas na Sabana Basora. Di biaha ta despacha diferente patruya na e cas.
Na yegada di e prome patruya nan mes a cuminsa reanima e baby. Ambulance tambe a yega cu maximo urgencia pa reanima e baby. Trahamento hunto pa logra scapa un criatura chikito a resulta envano.
Lamentablemente pa 3:10 pm dr. Texier a constata morto di e baby di inicial J.R.G. Na Aruba di apenas 1aña y mey.
Nos ta expresa palabra di condolencia y deseo di hopi forsa na mayornan y famia di e criatura, den e momentonan dificil aki.
