Por a bira un desgracia mas grave pero afortunadamente no tabata e caso. Un vehiculo a hit and run den un Ford preto pone baha caminda y bay para den den mondi.
Tabata mas o menos 1:45 am di diadomingo marduga, cu a pidi patruya presenta pa un accidente riba caminda di Santa Cruz direccion Drive In.
Band’i entrada di Drive-inn a topa e auto Ford parcialmente hinca den e mondi banda di caminda. Segun declaracion di e chauffeur, un auto lo a pasa dal den dje, pone baha for di caminda y consecuentemente bay drenta mondi.
A pensa cu e chauffeur lo a para, pero esaki no tabata e caso. El a sigui core su caminda bay manera nada. Polis a presenta y tuma tur dato.
