Na momento cu abogado mr. Peter Mohamed a pasa door di tur acusacion. Nan a mira cla con e acusacionnan aki tabata hiba te den congreso. E comision di supervision di e sindicato ta fungi sin un base legal.
Rene Bernabela, ex-presidente di sindicato TOPA, a splica cu nan a hiba e acusacionnan contra su persona den congreso. Pero, e congreso no ta e instancia autorisa den e caso aki, a duna e comision di supervision e extension pa nan por sigui traha riba dje un aña mas. Durante un temporada ora a pone disponibel un persona cu kier postula su mes y siguiendo e procedura pa bira miembro di TOPA. E ta drenta como delegado, shop steward, y despues di tanto aña ta fungi den e funcion aki, e ora por bin na remarca pa bira candidato pa presidente.
Den e tempo ey nan no a haya candidato, pero nan a bay congreso. Aki a pidi congreso e autorisacion pa Bernabela fungi un aña mas como presidente. A haya e bendicion y el a acerca su siguiente dia e oficina di notario Marion Tromp. Aki nan a haci un statuut wijziging. A haci adaptacion riba e articulo en cuestion di e momentonan ey. A haci un statuut wijziging y a prolonga Bernabela su existencia como presidente di TOPA.
Traha ilegal
E comision di supervision a haya un goedkeuring di parti congreso, na ningun momento e directiva, tanto Raad van Toezicht como congreso y ningun otro hende a haci e statuut wijziging door di manda na e oficina di notario na Santa Cruz pa haci e wijziging den e statuut di sindicato TOPA caminda e comision di supervision por a sigui traha.
Esey a haci cu automaticamente no tabatin un statuut wijziging cu e comision di supervision nan derecho di existencia a termina despues di un aña. E comision di supervision a sigui traha di forma ilegal. E comision a sigui acusa Bernabela di tur sorto acusacion cu nan no por a substancia ningun sorto di prueba.
Pa mas lesa TREMPAN.COM.
