Nos ta na bispo di un aña nobo y Renaissance Aruba Resort & Casino conhunto cu Wind Creek Hospitality kier a yama Aruba danki pa un otro aña exitoso. Dia 31 di december proximo lo cende e pagara tradicional pa 1’or di atardi cuminsando dilanti di Renaissance Marketplace y finalisando dilanti di Wind Creek Crystal Casino cubriendo asina grand parti di L.G. Smith’s Boulevard.
Pueblo di Aruba tur aña ta den gran espera pa e fecha y horario di Renaissance Aruba su gran pagara, e pagara di mas grandi cu 6 miyon tiro. Di acuerdo cu Sr. Paul Gielen, General Manager di Renaissance Aruba; “Un tradicion local cu Renaissance Aruba y Wind Creek Hospitality kier mantene bibo pa hopi aña. Eta un celebracion di fin di aña cu ta uni e pueblo saliendo for di tur skina y cana hunto tras di e pagara pa yama 2019 danki y un bon bini na 2020”. Sr. Gielen ta agradecido pa un 2019 exitoso y mirando riba planesnan grandi pa e aña venidero pa tanto hotel como casino.
Tur hende ta keda cordialmente invita pa cera 2019 hunto cu e famia grandi di Renaissance Aruba y Wind Creek Hospitality. Ainda nos por corda un comienso di 2019 exitoso cu a inicia cu e gran campaña regalando un Jeep Wrangler 2019. Den luna di oktober tabata tin e gran reapertura di Wind Creek Seaport Casino ofreciendo e ultimo technologia den gaming aki na Aruba. November tabata tin e gran apertura di 5o’Clock Somewhere Bar & Grill situa den curason di Renaissance Marketplace.
Ultimo Wind Creek Hospitality a compromete su mes na e comunidad di Aruba uniendo forsa cu Ministerio di Asuntonan Social y Labor regalando 250 famia un basket di pasco. Recientemente Wind Creek Casinos a organisa un ‘Toy Drive’ colectando asina mas di 650 coi hunga pa regala e muchanan un regalo bou kerstboom.
Sin lubida cu na luna di September a inicia un campaña ‘Haci Un Cambio’ dedica na Stichting Algemene Bejaardenzorg Aruba (SABA) pa asina nan por cumpra un bus pa nan clientenan. Nos ta mira nos dilanti riba un 2020 yena cu prosperidad y mucho mas exito. Renaissance Aruba Resort & Casino y Wind Creek Hospitality ta desea henter e pueblo di Aruba un feliz aña 2020!
