Ganado di Roadmarch 2022 di carnaval di St. Maarten ta Olivia Murray, kende a nace na Aruba, pero tin mas di 25 aña biba na St. Maarten. Ta despues di varios aña cu atrobe tin un roadmarch queen!
Segun un publicacion riba Facebook di su yiu Withney Murray, tanto e y henter e famia di Murray ta sumamente orguyoso di su logro. A manda palabra di gradicimento pa un y tur cu a aporta na e presentacion di su mama y tambe a reconoce tur cu a participa den e competencia SXM Carnival Road March 2022.
E cantica cu Murray a presenta ta titula “Oil On Meh Skin”. A cualifica esaki como un obra di maestro internacional. Di parti di Headlines Group nos ta manda palabra di felicitacion pa Olivia Murray y tur otro participante pa sigui aporta na cultura Caribense!
