Stichting Verstandelijke Gehandicapten Aruba (SVGA) tabata di bishita na formado, mr. Evelyn Wever-Croes, unda cu nan a trece dilanti nan problemanan, pero tambe e proyectonan cu nan ta bezig cu ne.
Rein Schutter, cu ta na cabes di e fundacion a conta cu nan tin varios programa prepara pa nan 280 cliente, pero esaki naturalmente tin un costo envolvi. Y awo sigur durante e crisis di pandemia, nan tin mester di personal.
Un otro aspecto discuti durante e audiencia ta e hecho cu nan kier un scol special avansa despues cu e studiantenan caba scol basico. E proyecto aki a cuminsa caba, pero unico problema cu nan tin, ta organisacion di e programa, debi na e situacion financiero dificil. Pa tin un avanse despues di basis, lo ta un solucion pa hopi problema. E studiantenan ta prepara pa esaki. Pero pa awor aki e pregunta ta keda kico lo pasa despues.
Pa cobertura mas amplio, lesa e edicion di TREMPAN mañan.
