RBC Royal Bank Aruba tur aña tin un campaña special pa su clientenan. E aña aki e no ta un excepcion y ta lansa un campaña special di su RBC Visa Classic Card.
Jonaila Geerman-Lacle, Branch Manager di RBC Royal Bank Aruba a indica cu entrante luna di augustus te cu 9 di september 2022, tur cliente di RBC Royal Bank Aruba por pasa na nan branch of por yamanan na 5880101, pa aplica pa nan Visa Classic. E tin hopi caracteristica- y beneficionan. Pero un di e mihonan ta cu e ‘membership fee’ e prome aña lo ta gratis.
Un di e beneficionan ta cu t’e cliente ta esun cu ta dicidi si e ta bay e banco of un representante di banco ta bay cerca e cliente. RBC semper t’ey pa haci e bida di e cliente confortabel. Por haci tur e preguntanan via e ‘advice center’ cu ta available 24/7.
Si e cliente ta druk na trabou, e por yama tambe despues di e oranan di trabou, manera bisa cu nan ta disponibel 24/7 pa facilita e cliente sea cu informacion of pa pone un afspraak.
Pa aplica pa e Visa Classic, e cliente lo mester trece su payslipnan, dos di e cliente ta cobra pa luna, cuater si e ta cobra pa kincena, mas un id. Si acaso banco mester di algun informacion adicional, nan lo pidi e cliente despues.
Cu e Visa Classic e cliente por biaha tur rond mundo, estilo ‘tap and go’. E ta conviniente.
Pero RBC Bank tin tambe e Visa Platinum, cu ta cuminsa c’un balans mas halto, pero e tambe tin su beneficionan. N’e momento cu e cliente swipe of tap, e ta haya punto e por gana punto pa ricibi un cashback of un giftcerficate.
