Despues di 2:30 pm a sosode un accidente na e crusada di Palm Beach. Den e accidente aki niun persona a resulta herida. E accidente tabata entre un Toyota Rav y Hyundai Port.
E Hyundai Port tabata riba caminda di Sasaki, mientras cu e Toyota Rav tabata bin fo’i direccion di hotel pa bay Palm Beach. E Toyota no a duna preferencia na e Hyundai cu tabata bin cu velocidad.
Consecuentemente e Hyundai a ranca bumper di auto. Polis a presenta lihe na sitio pa dirigi trafico y pa tuma declaracion di ambos partido di loke a pasa.
