Pa straño cu e por zona, aunke cu tin baricada, toch un motociclista a ranc’e bay halto y cay den e buraco na Palm Beach dilanti CITGO.
Un motociclista riba un brommer numera MFA-2104 biniendo tur cu tin di pabou a ranca heki y djey cay den e buraco.
E caminda di Palm Beach ta cera pa algun luna caba relaciona cu cobamento pa tuberia di riool y pa djey asfalt’e. Tur cos a sososde alrededor di 2:10 am.
E motociclista a resulta herida pa cual ambulance a presenta p’asina brind’e cuido medico. Na final a hib’e hospital pa ricibi tratamento medico mucho mas avansa.
E brommer a ricibi basta daño mientras cu e motociclista di fam Paeach a keda basta rato bou tera, por lo menos un meter di profundidad.
Testigo a conta cu e scucha un zonido duro biniendo di pabou djey a mira un hende homber bay halto.
