Miembronan di parlamento di fraccion Raiz, Misha Raymond y Raymond Kamperveen, hunto cu Accion21, Miguel Mansur, a manda carta pa presidente di parlamento unda ta pone presio. E presion ta pa yama un reunion publico riba e tema di matrimonio pa parehanan di mesun sexo.
Den e carta nan ta bisa cu no tin nada cu ta stroba pa yama e reunion aki.
A manda e peticion aki na october, 2023, y e unico motibo cu a want’e tabata pasobra e presidente tabata kier a spera e reunion di comision presidi pa Darlaine Guedez-Erasmus riba e tema. Pero tempo a pasa y e parlamentarionan cu a manda e carta no ta mira cu tin movecion. Nan ta haya cu suficiente tempo a pasa y ta momento pa yama e reunion aki.
Ya caba ta conoci e conseho di Abogado General na Hoge Raad, relaciona cu e caso pa permiti matrimonio di mesun sexo. Nan no ta mira kico mas e Presidente di Parlamento ta spera pa yama e reunion. Awo nan a pone practicamente un ultimatuma bisando den e carta pa e presidente yama e reunion prome cu e periodo di 30 dia pasa.
Matrimonio di mesun sexo ta un tema pisa, unda visiblemente tin un diferencia di pensamento entre e partnernan di e actual coalicion. Y e carta ta demostra esaki.
Pa relato amplio lesa TREMPAN
