Diamars anochi 20 di Februari, 2024 Quota a instala diesun (11) miembro nobo durante un ceremonia special na Renaissance Convention Center den presencia di directiva y miembro nan. Instalacion di diesun (11) miembro nobo a tuma luga durante un General Business Meeting y cena, na Renaissance Convention Center.
Past President y miembro Luzina de Greef, a fungi como “Initiation Officer” den un ceremonia bunita y sígnificativo. E directiva bou di Presidente Ivy Simon y tur e miembronan ta yama bon bini na e miembronan nobo y ta desea nan hopi exito sirbiendo nos comunidad.
E miembronan nobo ta Caresse Arends, Ghislaine de Kort, Ica Jones, Indrah Figueroa, Irlene Croes Jansen, Joanne Croes, Sharissa Arends-Tromp, Sigrid Torres, Vanessa Rasmussen, Xaviera Vis y Deidre Natalie G. Woei-A-Tsoi.
Despues di e instalacion a sigui cu un cena y un reunion na unda a atende cu asuntonan pendiente y nobo di e Club.
A la bes a honra varios miembro cu a cumpli un aniversario como miembro di e organisacion. Ta tuma e oportunidad na tur organisacion cu ta traha pa comunidad y cu ta desea un donacion pa ayudo financiero pa manda un carta oficial na [email protected].
Quota su enfoke ta pa yuda organisacionan cu tin di haber cu personanan cu problema auditivo, mucha y bienestar general di comunidad.
Quota International of Aruba ta un Club di servicio di hende muhenan profesional den nos comunidad cu ta existi na Aruba desde aña 1987 cu ta duna nan tempo liber pa traha durante henter aña pa duna bek na comunidad.
