Diadomingo mainta alrededor di 11:00 am a sosode un accidente di tres riba e via principal di Morgenster. Dos di e tres autonan envolvi ta marca Hyundai y un ta marca Honda.
Entre nan, un baby y un chauffeur tabatin mester di atencion medico despues di e impacto. Ta trata aki mas bien di un accidente di cadena. E Honda ta un taxi, pa cual e tabatin pasahero abordo, e turistanan a baha for di e taxi y a sigui nan caminda c’un otro taxi. Ambulance a presenta na sitio p’asina brinda atencion medico n’esunnan cu mas tabatin mester di dje.
Polis di trafico tambe tabata n’e sitio p’asina documenta y registra e boksmento di tres aki.