Riba 27 di october a tuma luga acto di condolencia riba veld di Yara pa Buchi Panama. Un conocido futbolista cu a dedica hopi aña di su bida na futbol. Ey, tabata momento pa famia, conocir, dirigente, ex-dirigente, futbolista y Aruba general tuma despedida di Buchi Panama.
Durante e momento di despedida, a combersa cu e yiu homber di Buchi Panama esta Glenn Wever. El a conta cu ora cu el a ricibi e noticia cu su tata a fayece, e mes tabata den exterior. A organisa e acto di condolencia riba e veld cu ta carga e nomber di su tata. Buchi Panama tabata hopi aña activo cu La Fama y djey a lanta San Luis. Apart di esey el a yuda pa hopi aña cu Yara y RCA den preparacion di e muchanan pa cu futbol. El a yuda hopi di e teamnan di Balashi Pariba pa hopi aña di su bida. Cu tempo a crea aspirant y na aña 1986 a lanta Lifida.
