Trudy Lampe ta un artista local y e tin su tienda riba Welcome Plaza. Aki e ta bende su obranan di arte. Un di e problemanan cu nan tin ta baño, pasobra no tin uno apto pa nan uza.
E ta menciona cu a pesar cu e ta super contento cu nan a cuminsa move bek. Pero ta lamentabel ora cu e bishita yega eyriba como tambe pa esunnan cu ta traha den e kiosconan henter dia, no tin un baño apto pa nan por uza.
Tin baño, pero esun encarga no t’ey. Tin di compronde cu nan no a paga ni awa ni coriente. E situacion no ta husto pa nan ta sufriendo bao di e circunstancia aki cu no tin un baño. E doñonan di kiosco a tuma contacto cu DIP ya pa masha tempo pa por remedia varios di e problemanan cu nan a bin haya. A trata algun di e problemanan aki, pero algun di nan a keda sin soluciona.
Lampe ta sigui bisa cu ultimo esaki a cay den man di minister, a haya oido dado momento. Pero a lo largo e ta cay bek den DIP su man y no ta hayando solucion pa e problemanan aki. E ta
enfatisa cu si e persona encarga di baño no por maneha esaki, e ora DIP mester busca un otro solucion. Esaki no ta algo cu ta saludabel pa ningun hende pa por wanta henter dia sin por bay un baño. Esey riba su mes ta inhumano y inhusto.
