Landamento Escolar ta un programa di Departamento di Enseñansa Aruba (DEA) den cual muchanan di scol ta haya instruccion di landamento durante orario di scol. E programa, cu ta financia door di Gobierno di Aruba, ta existi ya pa 28 aña. Actualmente ta duna e lesnan di landamento escolar na alumnonan di klas 3 di Scol Basico y Special na Aruba.
Sin embargo, conforme e curiculo aproba na aña 2017 pa e materia “Movecion y Salud” di Enseñansa Primario (Kleuter y Basis), entrante Januari 2021, ta bay cuminsa duna les di landamento den e di dos aña di Enseñansa Preparatorio (Kleuter).
E escogencia aki a wordo haci a base di:
• Estudio(nan) relaciona cu desaroyo di mucha;
• Comparacion di con landamento escolar ta funciona na otro pais y
• Input di mayornan cu nan yiunan ya caba tin diploma di landamento den di tres aña di Scol
Basico y cu ta desea pa Landamento Escolar cuminsa mas trempan.
Departamento di Enseñansa di Aruba conhuntamente cu expertonan riba tereno di landamento
ta diseñando e programa nobo, pa cuminsa cu esaki na aña 2021.
Den e plan aki ta tene cuenta cu:
• E curiculo di Enseñansa Primario ta cuminsa cu landamento den Enseñansa Preparatorio
(Kleuter) caba, pa e muchanan custuma cu landamento den awa, kita miedo pa awa y siña
nan pa salba nan mes den awa;
• Enseñansa lo wordo duna mas y mas na distancia;
• Lo haci uzo di servicionan di expertonan riba tereno di landamento den enseñansa;
• Finansas di gobierno.
Pronto lo informa comunidad riba e plannan nobo pa cu Landamento Escolar.
Pa informacion relaciona cu Enseñansa na Aruba por acudi na nos website www.ea.aw como
tambe por sigui nos social media pages riba facebook y instagram @EducationAruba.