Diasabra dia 30 di september ultimo nos organisacion Aruba One Happy Island Lions Club hunto cu Friends of Lions a organisa e proyecto “Tayo riba Mesa”, edicion nr. 2.
Esaki ta den cuadro di e programa di Lions International “Hunger Relief”, cual ta un actividad di servicio cu cooperacion di Friends of Lions pa yuda un cantidad grandi di famia den necesidad. Danki na e cooperacion di voluntarionan di Cruz Cora, miembronan Lions y amigonan Lion a percura pa 512 persona di famia di menos recurso ricibi nan cuminda di merdia.
Un danki hopi special na Friends of Lions y tur instancia y compania cu a coopera y aporta cu donacion, producto, cushina, obra, reparti y tempo pa haci e proyecto aki uno exitoso. Danki tur otro cu a coopera y ta desea pa keda anonimo.
Nos organisacion hunto cu Friends of Lions lo continua organisa proyectonan pa yuda esunnan den necesidad. E proximo edicion di e proyecto Tayo riba Mesa lo tuma luga fin di november proximo. Un biaha mas danki Aruba!
