Aruba Airlines a anuncia su dos vuelonan mas nobo cu lo ranca sali den e lunanan cu ta bin. Ta importante pa book di tempran. Mas tempran bo book, mas tempran bo ta haya bo pasashi pa e destinacion cu bo kier bay.
Punto Fijo
Un di e destinacionnan cu tin hopi demanda p’e ta Punto Fijo. Sandra Sequea di Aruba Airlines a splica cu nan tin un demanda hopi grandi pa e destino aki. Actualmente nan tin dos dia pa siman cu ta bulando, cual ta dialuna y diabierna y cuminsando dia 27 di Juni, lo cuminsa cu un dia nobo, cual ta diaranson, tambe pa Punto Fijo.
Actualmente tin hopi hende biniendo, segun Sequea. Si bin tempran por haya e tarifa abao, cual ta 325 florin, esey ta inclui tax di Aruba, pero esun di Punto Fijo ta pag’e eynan mes.
Avion
E avion cu nan ta bula un’e ta e jet di 50 stoel.
Demanda pa Venezuela
Sequea a splica cu e demanda ta hopi bon. Tin demanda local, hasta cu tabata tin inconveniente. Pero tur hende kier bay dokter, etc. y tambe Venezolanonan na Aruba mes cu kier tin bon conexion cu nan pais.
St. Maarten
E vuelo pa St. Maarten ta uno fresco. Cuminsando dia 1 di Juli ta cuminsa cu e vuelo pa St. Maarten. E lo ta Aruba-Corsou. E pasaheronan no ta baha for di avion y den un ora y mey nan lo yega St. Maarten.
Pa book
Actualmente e tarifa ta 675 pa persona y ta inclui tur tax, tanto na Aruba, como esun di St. Maarten mes. Esaki lo ta dos biaha pa siman, cual ta diadomingo y diabierna.
Mas destino
Esaki ta un acogida hopi grandi y ya cu ta mira cu si ta bezig ta pickup, ta cuminsa cun’e.
Orario
E orario ta depende. Tin hopi factor ta hunga wega. Si tur pasahero tey y haya un green light pa sali tiki prome, ta sali. Pero ta purba di cumpli toch cu e horario stipula.
Satisfaccion
Awor lo bay cuminda cu pasaheronan cu ta bulando pa Corsou y Boneiro, unda cu lo haci un encuesta interno den avion pa haya sa kico mas por mehora. Na aeropuerto e servicio ta algo cu ta push hopi riba dje y pasaheronan mes ta duna keypoints kico pa drecha y kico nan ta haciendo hopi bon.
