E comisionnan fiho di Relacionnan den Reino di Eerste y Tweede Kamer, for di diamars 28 di februari te cu diabierna 3 di maart 2023, ta participa na e Reunion Interparlamentario di Reino (IPKO) na Corsou. Riba agenda tin e acogida di fluho di migrante dentro di Reino, relacion den Reino mas miho y duradero, e deficit democratico den e structura di Reino y e acuerdonan tocante reforma na Aruba, Corsou y Sint Maarten cu anteriormente a establece den e paketenan di pais, incluso entre otro riba e tereno di enseñansa, clima y medio ambiente, y tambe proteccion di dato. Ademas e delegacionnan lo continua combersacion tocante pasado di sclavitud y e impacto di historia colonial awendia. Esaki ta continuacion di e combersacionnan den e reunionnan di IPKO anterior. Dentro di IPKO, Parlamento di Corsou riba 2 di maart ta organisa un bishita di trabou pa tur delegacion den cuadro di pasado di sclavitud y colonial.
Bishita di trabou na Boneiro
Rond di IPKO ta realisa varios bishita di trabou. Prome cu IPKO, riba diadomingo 26 y dialuna 27 di februari, e delegacion Hulandes lo hiba un bishita di trabou na Boneiro. E temanan manera e plan di naturalesa y medio ambiente nobo, maneho di awa, e recien inundacionnan, maneho di sushi, vivienda social y clima y sostenibilidad ta para central.
Constelacion di e delegacion
Eerste Kamer
Paul Rosenmöller (GroenLinks) – vice-lider di delegacion; presidente di comision fiho di Relacionnan den Reino;
Annemarie Jorritsma-Lebbink (VVD);
Ria Oomen-Ruijten (CDA);
Jeroen Recourt (PvdA);
Peter Nicolai (Partij voor de Dieren).
Tweede Kamer
Mariëlle Paul (VVD) – lider di delegacion; presidente di comision fiho di Relashonnan den Reino;
Roelien Kamminga (VVD);
Jorien Wuite (D66);
Habtamu de Hoop (PvdA);
Kauthar Bouchallikh (GroenLinks);
Liane den Haan (Fractie Den Haan);
Sylvana Simons (BIJ1).
Griffiernan
Tim de Lange (Tweede Kamer);
Fred Bergman (Eerste Kamer).
IPKO
E Reunion Interparlamentario di Reino (IPKO) ta e structura di reunion dje parlamentonan di e paisnan den Reino Hulandes. Delegacion di Parlamento General y di Parlamento di Aruba, Corsou y Sint Maarten ta reuni dos biaha pa aña, un biaha na Hulanda y un biaha rotativo na un di e islanan Caribense, tocante e temanan di interes p’e paisnan dentro di Reino.