Boris Johnson a anuncia awe di ta retira y a pone e proceso cana pa ta substitui como lider di Partido Conservador Britanico. Tambe como prome minister di Reino Uni despues cu el a perde sosten di su ministernan, pero tambe di su legislado conservado.
“Ta cla cu e boluntad dje Partido Conservador den parlamento cu mester tin un lider nobo di partido y un prome minister nobo”, el a bisa den un mensahe n’e nacion dilanti porta number 10 di Downing Street, su residencia oficial.
Johnson, cu a aparece rondona pa su colaboradonan mas cercano, ademas di su casa Carrie y un di su yiunan, a subraya cu e proceso pa reemplas’e ya a inicia y cu otro siman lo ofrece un kalender. Sinembargo, el a recorda te ora cu e conservadonan scoge un lider nobo, e lo sigui dilanti e gobierno di forma interino, aunke cu hopi den y afo di su partido ta reclamand’e p’e bay caba.
E prome minister no a pidi disculpa p’e eventonan cu a pon’e anuncia su retiro. E tabata bataya algun dia pa su trabou, hopi ta esunnan cu a aleha di Johnson y lagand’e cu algun aliado. Algun scandal a conduci cu hopi di nan a stop di sostene Johnson.
Leyenda
Alexander Boris de Pfeffel Johnson, naci dia 19 di juni 1964, ta un politico Britanico y a bira Prome Minister di Reino Uni na 2019. E tabata lider di Conservative Party (Partido Conservador) desde 2019. E tabata Secretario di Estado di Asuntonan Exterior y Mancomunidad di 2016 pa 2018 y alcalde di London di 2008 – 2016.
