Informacion oficial a indica cu pronto lo mira e prome barconan di fruta drenta waf atrobe. Mientras cu diadomingo nan tabata prepara pa sali pa Corsou, ainda no tabata tin un fecha pa e prome cargamento di fruta y berdura yega Aruba.
Segun informacion ricibi, pa e trahadonan di e barconan aki di fruta, na Aruba ta mas facil ya cu nan ta manda e peticion di entrada 48 ora prome cu nan sali pa Aruba.
E prome cargamento lo sali 6:00pm for di Vela de Coro, estado Falcon Venezuela rumbo pa Corsou. Nan ta programa pa yega Corsou pa 4:00am pero lo mester warda te 7:00am pa nan por drenta waf di Corsou.
E organisacion Venezolano concerni a meld na tur partido envolvi, como tambe na tur bendedo/comerciante den e region di Coro.
Potret cortesia di Alcaldia de Vela.
