Gibi Vrolijk y Alysee Boekhoudt ta e anfitrionnan di e programa nobo Guardians K9 TV. E programa aki ta transmiti via Facebook, unda cu e prome episodio nan a papia cu Dean Nicholson.
Nan a lansa e prome episodio di e Guardians K9 TV. E concepto tras di e programa aki ta tur cos cu tin di haber cu cacho aki na Aruba. Nan lo papia di training, seminario, entrevista cu veterinario- y fundacionnan. Tambe lo haci entrevista cu petshops, papia riba e conocementonan aki na Aruba.
E meta cu nan tin ta pa educa e comunidad y provee un plataforma pa tur amante di cacho. E anfitrionnan ta spera cu tur hende disfruta di nan programa y haya esaki uno hopi educativo.