Universidad di Aruba a anuncia cu nan lo ofrece programa di MBA, cual lo dura 2 aña. E programa aki ta diseña pa individuonan cu tin un “full time” job y cu ta desea di amplia nan habilidad den maneho.
E programa, cual lo inicia Dialuna dia 3 di September lo ta den dos parti. Den e prome aña lo duna dies vak y den e di dos aña ta rekeri pa completa un tesis.
E prome aña lo ofrece 8 vak obligatorio incluyendo Human Resources, Philosophy of Research, Corporate Finance, Leadership and Ethics, Innovation and Entrepreneurship, Marketing and Social Media, Strategy and Organization, Research Design y tambe Methodology. Tambe lo tin e tres “elective courses” cual ta Business Law, Digital Leadership and Transformation y Psychology of Effective Communication. Studiantenan lo mester scoge dos di e tres “electives”.
E aña lo keda reparti den cinco (5) semester separa den 2 luna cada uno, esaki ta September/October, November/December, Januari/Februari, Maart/April y Mei/Juni. Durante cada semester lo duna dos vak den oranan di anochi sperando cu studiantenan lo atende Universidad dos biaha pa siman durante cada semester.
E coordinador di e programa di MBA, Dr. James Hepple, ta un “Assistant Professor” den e facultad di Hospitality Management y Tourism Studies na Universidad di Aruba. E lo duna un di e vaknan cu otro docentenan incluyendo Dr. Simon Hudson, Dr. Scott Smith y Dr. Robin Dipietro, tur di Universidad di South Carolina. Tambe tin docentenan di Universidad di Aruba mes cual lo ta docente Don Taylor di International Business Law, Economics, Finance and Accounting Law, Kimberly Greaux, docente di Business and Research Methodology, y Rosabelle Illes, docente di Psychology.
Universidad lo tene un “open house” dialuna 9 di Juli pa 6:30pm proveyendo mas informacion di e programa. E deadline pa registra ta 24 di Juli 2018. Lo haci entrevista di 1 a 1 cu tur esunnan cu a aplica permitiendo discusion detaya di tur implicacion di cuminsamento di e programa di dos aña. Universidad lo notifica tur esunnan cu a aplica si a acepta nan of no y lo haci esaki no mas tarda cu dia 15 di Augustus. E programa lo ta na Ingles y e “tuition fee” ta di 4.500.00 florin pa aña.
