Durante di e ‘World Games di Special Olympics’ tin un programa special pa salud di e atletanan. E apertura a tuma lugar na City Cube Berlin unda cu e Minister di Salubridad Publico di Alemania a habri e programa splicando e importancia di e salud di cada atleta. Naturalmente no solamente e salud fisico pero tambe e salud mental. Si e elementonan aki no ta na nan luga, dificilmente nan por duna tur di nan banda ora cu nan competi. Durante 24ora.com su bishita nos a combersa cu Nadine Liebhardt cu ta Marketing Manager di Digicel. El a splica un tiki mas di e obhetivo di e conferencia y tambe e la splica nos e motibo cu Digicel Aruba ta presente. Tambe e lider di delegacion Sr. Karel Cay Cay Williams tabata presenta y comparti cu nos e importancia di e programa di salud aki. E programa ta duna e atletanan e oportunidad pa yuda nan cu nan salud. Tin diferente seccion di bista, oido, salud mental y mas. Por ehempel, pa e seccion di bista: E atleta por controla su bista y si tin mester di un bril , nan ta haya esaki completamente gratis. Atletanan cu problema di oido por a haci na chekeo medico y ricibi ayudo tambe pa esaki.
Pa loke ta Digicel, Digicel ta apoya Special Olympics den tur nan mercadonan den Caribe. E motibo di esaki ta cu e CEO di Digicel, Dennis O’Brien ta apoya Special Olympics incansablemente. O’Brien actualmente ta ‘Chairman Special Olympics Ireland Council of Patrons’. Apart di sponsor Special Olympics Aruba, Digicel ta mira e colaboracion mas como un partner.
Pa e motibo ey tambe Digicel Aruba ta presente aki na Berlin pa asina biba cada un di e momentonan special cu e atletanan di Special Olympics Aruba.
Digicel users let’s support Special Olympics by donating Afl 1,- by texting 𝗕𝗘𝗥𝗟𝗜𝗡 to Nr 5151!
