Diadomingo marduga alrededor di 12:45 am polis a presenta na Watergate Bar p’un problema di pareha. Un total di cinco patruya di polis a presenta na sitio. Aki ta caminda cu un pareha a haya un discusion formal den e dicho bar. Cos a bay asina leu cu hasta kier a hala otro cu wanta den e bar.
E problema a sigui parti pafo di e bar. Na sitio, testigonan a conta cu; hasta tabatin menasa cu “lo saca cos tira.” Polis a controla pero no a topa cu ningun arma di candela. E tabata mas bien un discusion entre e pareha.
Pa evita mas problema, a intermedia y conseha e pareha pa move for di e sitio. No a laga nan bay cu auto tampoco. Un otro persona a presenta na sitio y asina bay cu e pareha for di e sitio.
