Manera ta conoci, riba tur di dos diaranson di luna, ta adapta tarifa di gasolin, diesel y kerosin. Como tal, awe, dia 11 di januari a anuncia e cambio di tarifa cu ta drenta na vigor dia 12 di januari 2022.
Asina tambe, Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 12 di januari 2022:
Gasoline unleaded-premium : 230,6 cen p/ltr. (- 8,4 cen)
Diesel LS : 195.0 cen p/ltr. (- 7,3 cen)
Kerosin : 177,7 cen p/ltr. (- 6,1 cen)
E prijsnan ta inclui BBO/BAZV/BAVP.
Mester subraya cu prijs di combustibel ta regla a base di e prijs internacional y no ta den gobierno di Aruba su man.
Tipo di cambionan di prijs asina tin un efecto directo den nos economia, specialmente pa esunnan cu ta uza hopi combustibel den nan trabou. Mester imagina e taxista-, chauffeurnan di autobus, nos compania nacional di bus, e companianan priva di transporte via bus y e autonan luhoso. Asina por sigui menciona. Ki ora e tarifa subi, nan ta sintie den nan gastonan di operacion, siendo cu di nan banda si no por ahusta nan tarifanan pasobra hopi di nan, specialmente taxi, bus y autobus, ta mara na un prijs maximo ancra den ley.
