SPA tabata tin su reunion general pa su miembronan y segun presidente di e sindicato, Jose Dirksz, e sala tabata completamente yen. Directiva di e sindicato ta contento cu presencia di su miembronan, mirando e interes pa tin cada biaha un reunion general.
E reunion tabata basta intenso, mirando cu hasta a entrega mocionnan como tambe peticionnan. A atende diferente punto di agenda, entre otro e reglamento di edad di pensioen pa e polisnan, e stand van zaken di e edificio di surveillance dienst di polis di Oranjestad, di minister y tambe indexering, ta entre otro e puntonan cu a atende riba e dia aki.
Despues di e reunion, e miembronan mes a desea pa no bay mucho den detaye riba e puntonan aki, mirando cu tin mas trabao cu e sindicato tin cu bay haci. Pa loke ta trata papeleo, ta entrega e mocion na ministernan concerni y a base di esey, no ta desea di bay mucho den detaye di e puntonan di agenda.
Segun Dirksz, ta awo trabao ta bay cuminsa, mirando e mandato di e miembronan y tin cu cumpli cu nan. Ta yega e momento cu lo bay divulga un ke otro na prensa.
Cuerpo Policial ta consisti di 483 miembro y riba 100 miembro a presenta na e reunion general aki.
Awo directiva di Sindicato ta bay bek den nan propio seno, caba cu tur documentacion y pronto prensa lo bay haya sa e contenido di tur documentacion.
