Moises Fernandez, presidente di Aruba Taekwondo Bond (ARTBO), a bishita e training di Taekwondo Team Aruba. Aki el a papia cu e muchanan cu a bringa contra di Team USA. Moises Fernandez a duna un palabra di motivacion na e team cu ta preparando pa e proximo encuentro na Aruba den luna di juni.
Master Clifford Rasmijn y Master Yoshmar Wever a mustra Fernandez e tecnologia avansa cu nan ta uzando pa training unda cu tur informacion ta ariba e iPad y ta ilustra ariba e pantaya di television.
Taekwondo na mundo a avansa hopi y cu hopi cambio den combate y nos coachnan Master Clifford Rasmijn y Master Yoshmar Wever ta na pia di letra cu e tecnologia avansa.
Training, schedule y analisis di cada evento ta analisa pa asina presenta na Master Melvin Rasmijn, kende ta e Technical Director di Taekwondo Team Aruba. Master Melvin Rasmijn ta guia e coachnan cu nan programa di 2024/2025.
