Dialuna mainta a tuma luga un presentacion pa introduci e departamento cu ta resorta bao di Inmigracion cu yama falsidesk. Den cuadro di esaki a combersa cu Andrew Hoo, kende ta Director Interino di Inmigracion Aruba kende a splica mas riba e mainta informativo.
Hoo a splica cu falsidesk ta den funcion pa mas o menos 1 aña, y por bisa cu su concepto a mira luz di dia varios aña pasa durante e periodo cu Gobierno a cera acuerdo cu Hulanda riba Landspakket. Introduccion di e programa of sistema aki ta specifica den seccion “H-11” di e acuerdo. A cuminsa elabora entre otro riba e cadena hudicial (cadena hudicial) di cual Koninklijke Marechausee a bin sostene Inmigracion Aruba, y desaroya cierto plaformanan pa mehora e trabao y combati ilegalidad cu ta drentando Aruba.
Loke a tuma luga dialuna mainta ta un presentacion pa cera conoci cu falsdesk, cu ta e plataforma cu Koninklijke Marechausee a hinca den otro mas o menos un aña pasa den cuadro di extension di un plan di accion (plan van aanpak) for di e protocol di “versterkings toezicht”..
A splica cu un falsidesk ta un platafroma di cooperacion entre Maruchaussee y Director di Inmigracion pa identifica casonan fraudulento riba diferente nivel na frontera manera: paspoort, visa, aeropuerto, puerto (zeehaven) , den caso cu Inmigracion constata un documento fraudulento of e uzo di un identidad falso. Den caso asina ta manda esaki na un “segundo stage” unda e supervisor di Inmigracion lo verifica e autenticidad di e documento, si e ta legal of falsifica.
E presentacion tawata pa cera conoci cu tur e servicionan cu falsidesk por ofrece. Dialuna a cuminsa cu un presentacion pa e servicionan cu ta eherce control na frontera (grensdiensten). Door cu tin un demanda halto di parti di servicionan di falsidesk Hoo a splica cu ta dificil pa haci e presentacion den un dia pa tur hende, y a dicidi di sigui dos dia mas.
Pa e ocasion aki a ricibi cooperacion di ACED cu ta Expertise centrum Hulanda cu ta reenforsa e presentacion y presente na e ocasion aki ta Polis Nacional di Hulanda.
Esaki ta e prome biaha cu ta haci e presentacion di introduccion, e trabaonan di falsidesk lo sigui, na final Hoo a menciona: “no tur ora cu tin algo nobo mester bay den publicidad cu n’e”.
