Na Januari 2018, Fundacion Centro pa Famia Piedra Plat a funda un Academia Musical bou number di Cas di Musica.
Nos ta conta cu maestronan profesional y cu hopi experiencia den dunamento di les di musica. Actualmente ta ofrece lesnan di Piano, Guitara, Baho, Cuarta, Drum y Canto tanto pa mucha como pa hende grandi na nivel basico, intermedio y avansa. Y tambe nos tin les special pa 60+.
Nos Lema ta: “Siña musica y bira mas creativo”.
Diamars dia 15 di december nos lo tin un programa special den Cas di Cultura na unda diferente alumno di nos Academia lo participa y alumnonan di Les di Cuarta lo ricibi nan certificado. Y tambe nos tin artistanan invita manera Camilo y su Harpa Maraviyoso, y Cantantenan; Victor Samuel, Jursey Sophia, Pearl Peters, Ivy Browne y tambe lo tin participacion di Vivian Lampe cu lo deleita cu musica di Piano. Lo cera e anochi cu grupo di Gaita Fortalesa.
Pa cualkier informacion por tuma contacto cu nos na [email protected] of por yama Oficina na 5855544 / 5620653
