Awe trabounan di preparacion lo keda cla y pa mañan 9 di maart lo cuminsa asfalta entre 9:00 am te 4:00 pm y e trabounan lo sigui te cu diabierna 12 di maart 2021. Ta prome biaha cu e barionan nobo aki lo conoce caminda di asfalt.
Ta trata aki di e barionan Seneblar, Brusca y Hato situa entre EPB Hato y WEMA na Ponton. Entre e dos camindanan aki tin varios bario cu a crece e ultimo decadanan, cu construccion di hopi cas nobo. Lamentablemente e casnan ta sufri di stof pasobra tur caminda ta di santo.
Recordatorio cu lo habri e caminda asfalta te cu 4:00 pm atrobe. Prome cu esey e camindanan ta cera pa DOW por traha y keda cla.
