Eforea Spa na Hilton Aruba Caribbean Resort & Casino a organisa un evento di prensa exclusivo pa gradici miembronan di prensa local pa nan trabao duro y dedicacion. Miembronan di prensa a haya un bon bini na yegada di area di recepcion di spa cu un serbete di cara hunto cu un Aqua Aloe cocktail refrescante.
Esaki a keda sigui pa algun momento di network y combersacion cu Spa Manager Lisa Dammerman, Food & Beverage Director JC LeVarrat, y Marketing Manager Joanne Dirksz.
Joanne a gradici miembronan di prensa pa nan colaboracion largo cu e resort y sosten na su strategia di PR y mercadeo. Despues nan a wordo hiba na cambernan di tratamento individual caminda nan a disfruta di un ritual di hand cleansing sigui pa un full body massage. E full body massage tradicional ta alivia dolor muscular, combina cu Aruba su Aloe Vera local, un tratamento perfecto pa alivia cansansio.
E localidad popular dilanti di lama na Palm Beach cu dies camber di tratamento, un outdoor cabana, sauna, steam room, cold plunge pool hunto cu locker rooms priva, totalmente diseña pa deleita y relaha bishitantenan cu ta constantemente ocupa.
Mientras nan tratamento a conclui, miembronan di prensa a congrega cu cocktails & hors d’oeuvres den e pavillion di relahacion cu un bunita hardin cu piedra preto di lama, akinan nan a combersa den bon ambiente cu Marketing Manager Joanne Dirksz. Miembronan di prensa tambe a keda invita pa join e Retrograde Ritual na eforea beach durante bahada di solo, pa sigui na alivia nan y yuda nan eleva nan spirito net prome cu fin di siman.
The Hilton Aruba Caribbean Resort & Casino semper a mantene lasonan estrecho cu media local, stimulando semper comunicacion interactivo y transparente for di ambos banda.
