Den Compleho Deportivo Libertador Betico Croes a tuma luga e Gran Feria Colombiano Trade Show. Aki tin diferente producto manera beyesa, salud, gastronomia y hopi mas.
Jhonnatan Ponce, director di media y mercadeo, a indica cu nan a bin cu e Trade Show desde Colombia p’e pueblo Rubiano. Nan a tene e Trade Show den Compleho Deportivo Libertador Betico Croes na Santa Cruz desde 10:00 am te cu 10:00 pm. Nan a bin cu diferente producto, cu mas di 600 referencia pa poco dia.
Un di e productonan ta elemento insignias, cu ta un examen importante pa salud, pa mira e bienestar. Tambe a bin cu e sistema di detox, cual ta hacie via e pia.
Tin diferente booth cu hende por bishita pa asina por haci un chekeo riba nan estado di salud. Tambe tin diferente producto cu ta mira na television, manera e sunction pump, extencion y peluca, plantia, joyas, cos dushi Colombiano y hopi mas.
Facebook live link: https://www.facebook.com/24ora/videos/254075247162204/
Tin nuebe dia mas cu por pasa bishita e Feria Colombiano Trade Show. Aki ta haya e productonan na un prijs abou y nan no a bin cu gran cantidad. Segun Ponce, pa motibo di e tipo di evento cu nan tin, nan no ta cana cu hopi producto. Nan ta bay bek Colombia pa bishita nan famia y busca e productonan cu mester pa asina sigui na nan siguiente destinacion.
