Den e sorteo # 1116 di Lotto di Aruba awe a saca e premio di Mini Mega. E numbernan cu a sali awe nochi tabata 09-11-24-26 y Mega Ball tabata 04. Mester bisa cu no tabatin ganado y como tal e sorteo di diabierna awo lo tin un premio di 1.3 miyon si hunga Mini Mega y Mega Plus cu hunto ta costa 7 florin.
Ta birando un tradicion caba cu fin di aña premio ta keda aden y ta crece bira sumanan grandi cu tur hende ta keda pendiente di dje. Por corda cu na habrimento di aña 2018, tabatin tanto Lotto 5 como tambe Mini Mega cu a habri aña den premio miyonario. Na casi fin di januari 2018 dos hungado, un carpinte y un taxista, a comparti e premio di Mini Mega di 2.6 miyon florin. Mientras cu e conocido “Grandi” di San Nicolas a gana e premio di Lotto 5 di 1.65 miyon florin na Nasett Lottery na San Nicolas.
