Aruba Softball Bond trahando duro preparando un seleccion pa campeonato di CONSURSA cual lo tuma luga pa prome biaha den historia na Aruba 26 di October pa 3 di November 2018. Un Comision grandi trahando duro pa realisa esaki pa asina cumpli cu tur exigencinan internacional di CONSURSA y WBSC. Como parti di e preparacion lo bay tin un Team College USA na Aruba e siman di 26 di Juni pa 2 di Juli y den cuadro di esaki Aruba lo hunga 5 wega di fogeo desde diamars awor tur dia te cu diasabra contra e equipo aki. October lo bira un luna grandi unda 8 Pais a confirma nan participacion den campeonato di CONSURSA y Aruba como anfitrion lo mester percura pa esaki. Aruba Softball Bond cu trabownan grandi preparando alaves pa nan campeonato regular cu lo ranca sali di dos siman di Augustus net despues di vakantie. Softball den pleno desaroyo.
