Habitante a pasa den susto ora a scucha impacto fuerte pafo di su cas. E no a spera di bin topa cu un vehiculo ge-bolter den porta di su cas. Segun e habitante, afortunadamente no tabatin hende herida.
Esaki a tuma luga den ora di anochi riba St. Catherinestraat, Lago Heights. Ta trata di un Toyota Yaris cu a perde control y a bolter. E ocupantenan no a resulta herida y no tabata desea asistencia di ambulance.
Propietario di e auto a indica di lo regla un takelwagen pa bin piki e auto for di e sitio. Aunke mainta por a tuma nota cu ainda esaki ta boca abou dilant’i porta.
