E cifra positivity rate bou residente ta 6% door di tin 5 caso nobo di COVID-19, di cual 4 ta no-residente, mientras di otro banda 5 persona mas a recupera. E total di casonan activo pa awe ta 155, total di testnan haci ta 413, testnan haci bou residentenan na laboratorio di hospital ta 18, total di casonan di fayecimento relaciona cu COVID-19 ta 38.
Hospital ta informa cu tin un total di 10 persona interna di cual 4 den Cuido Intensivo y 6 isola riba piso general. E virus di COVID-19 t’ey riba Aruba y e yabi pa control ta union.
Pa por sigui controla e cantidad di contagio ta nesesario pa Aruba ta uni pa logra un solo meta, cu ta pa minimalisa e plamamento di COVID-19. Sea alerto y consciente di cada actividad ora di bishita of tin esaki. “Hunto den union nos ta trahando na mantene e casonan abou.”
Sigui mantene distancia, sigui aplica higiena, sigui uza tapa boca, sigui test pa COVID si bo tin sintoma, sigui mantene isolacion of cuarentena, sigui cumpli y sigui cuida Aruba ta conta cu bo!
