Tabata un experiencia basta fastioso pa pasaheronan di buelo 508, kendenan a bin di Boneiro, ora cu a borda tur pasahero di Aruba for di Corsou, despues cu 2’or y 40 di atardi a lanta buelo rumbo pa Aruba, a enfrenta un problema cu un motor. Posibilidad ta existi cu ta un bird strike. Investigacion ta andando y e motor mester wordo cambia.
Segun Frank Arends di Aruba Airlines, indicacionnan den cockpit ta bisa cu e pilotonan mester a paga e motor y uza e practica cu mester uza den e casonan aki, mester bolbe bek na e stacion mas cerca di e vuelo actual, cual ta Corsou mes. A opta pa bin bek Corsou.
Posiblemente un bird strike lo tabata causa di problema di motor di avion
Posiblemente un bird strike lo tabata causa di problema di motor di avion.
Posted by 24ora on Friday, May 10, 2019
Naturalmente pasaheronan mester a wordo prepara pa e aterisahe aki, un practica normal a sosode e ora. Na e momento ey, cu tur esaki tabata sosodiendo y anuncionan tabata wordo duna na pasahero, dos pasahero a bira un tiki malo, cu e ora e piloto mester a pidi pa ambulance y esey a sosode tambe. Pa mas of menos 3’or di atardi, e avion a baha bon riba un motor y a taxi bin aden. For di eynan investigacion a cuminsa. Pa 5’or di atardi, a saca dos mecanico di un compania Canades cu Aruba Airlines ta lease e avion y e mecaniconan a bula e ora ey cu un buelo 5’or y 15 bay Corsou y pa eynan cuminsa cu investigacionnan, kico lo tabata pasando cu e motor. 
Aparentemente a haya sa cu e motor mester wordo cambia y e posibilidad ta sigui cu ta trata di un Bird Strike, a ocasiona esaki y cu pilotonan tambe a bisa cu durante cu nan tabata lanta vuelo, a mira un mancha di parha bulando y despues a sinti cu e cos a bay malo, cu e motor. Tur esey a sosode. Oficialmente for di e compania cu ta mantene e avionnan, no a haya nada ainda. Arends a splica cu e posibilidadnan ta.E pilotonan tin un checklist cu nan tin cu sigui. E checklist ta bisa cu tin cu shotdown e motor. Mester a paga e motor debi na e practica cu mester a sigui. Ta loke cu nan ta haya den simulador. E avion ta sigui bula normal. Pero normalmente e impacto, ora cu e parha dal den e motor, e pasaheronan ta not’e. E ta un boroto cu ta tuma luga pa un rato y posibilidad tambe cu ta shake e avion.
E motornan di e avion aki no ta pega na e hala di e avion. Nan ta pega na halto, na e rabo patras. Cabina ta sinti e sala mucho sla.
Motor preparando pa bin
Awor aki ta bezig cu e preparacion di manda e motor di Canada pa Corsou. E tin den un avion di carga of otro tipo di avion. Esey lo bay tuma su dia. Mientras tanto tin e airbus 320 cu ta bay reemplasa e buelonan cu ta bay bin den e dianan cu ta bin. Aruba Airlines mes ta saca e pasaheronan entre Aruba y Corsou, normalmente manera cu e schedule ta bisa.
Esnan cu a keda atras, a pone mayoria cu por a manda Aruba riba e cu otro aerolineanan, si nan tabata. E otronan a overnight, pa nan por bula awe den e Airbus 320.
Avion di spare
Ta dificil pone un avion di spare para. Un backup semper mester tin’e. Pero e backup ey tambe mester traha. E Airbus 320 tabata para na Miami ta haci algun buelo. A sake for di eynan pa bin y bula durante dia y diasabra y e resto di dianan te ora cu haya e CRJ keda cla cu su motor.
