Noord Taekwondo Center bou guia di Master Melvin Rasmijn, Master Miguel Genser y Master Yoshmar Wever a bira un luga pa chikito y grandi train. Despues cu Noord Taekwondo Center a sali Best Team pa di dos biaha e aña aki den campeonato tras di otro, chikito y grandi a cuminsa busca caminda di Noord Taekwondo Center pa nan tambe forma parti di Noord Taekwondo Center su team.
Grand Master Chaco Cornelio di Noord Taekwondo Center a entrega e scol di Noord Taekwondo Center na e generacion nobo pa nan sigui cu e bon trabou cu el a laga. Grand Master Chaco Cornelio tabata e miho referee di mundo y tin su estatua den e museo na Sur Korea.
Grand Master Chaco Cornelio ta un legendario cu semper a haci bon y awo e generacion nobo ta sigui. Noord Taekwondo Center a bira e luga den area di Noord pa hoben y adulto. Na Noord Taekwondo Center ta duna les di taekwondo tur dialuna, diaranson y diabierna for di 5:30 di atardi pa 7:30 di anochi na scol Basico Kudawecha.
Master Yoshmar Wever, Master Melvin Rasmijn y Master Miguel Genser a cuminsa cu velocidad di raket cu e atletanan. E atletanan nobo ta bisa caba cu nan ta bay competi den e proximo campeonato.
