Sharline Koolman ta hefe di Departamento di Malesanan Contagioso. El a splica cu kier duna mas tanto informacion na pueblo di Aruba, pa motibo cu sa cu e vacunanan a yega un poco na final di December caba pero asina mes kier haci tur esfuerso pa mayoria hendenan por haya e vacuna disponibel. E vacunanan ta yega awe nochi. Pa e motibo aki kier pa mañan mainta caab tempran cuminsa aplica esaki. Na DBZ den Avicenastraat 1 lo tin algun prikpost disponibel cu enfermeronan y personal di administracion pa aplica esakinan. Mañan, dia 14 di December y diabierna 15 di December por haya vacuna caba. Entrante dialuna 18 di December lo drenta bario cu e vacuna. E prome bario cu lo bay ta na Noord. Esey ta bay ta na MFA. E orario lo ta di 9or pa 11or di mainta.
Tin motibo pakico DBZ ta bay den bario, esaki ta simplemente cu tin hende grandi cu tin dificultad pa yega na DBZ y/of no tin transporte. Pa e motibo aki ta pone den bario pa e ta mas accesibel. Tin hende cu no tin transporte y nan ta bay mas cerca. Asina tin mas MFA manera Paradera cu Savaneta etc cu lo duna e servicio. Dialuna lo ta na Noord, diamars lo ta na MFA Paradera, diaranson lo ta na MFA Savaneta y diahuebs lo ta na Imsan na San Nicolas. E ta keda e mesun orario, di 9’or pa 11’or di mainta, pero alabes na DBZ tambe e postnan ta bay ta habri. Si e persona ta den Playa y DBZ ta mas cerca, e por bay eynan y ta duna e servicio.
Extra personal
Lo tin extra personal cu lo tey pa duna e servicio den e dianan aki, pa no tin rijnan largo, pa hende no mester warda hopi, mirando cu e grupo cu ta stress riba dje ta riba 60. Ta purba di tin mas hende disponibel pa vacuna, pa no para hopi den rij y warda. Semper esnan cu no por baha for di auto por laga e persona cu ta bin cun’e, bay administratie y duna su informacion cu mester, y e ora eynan por bay den auto y vacuna e persona aki. Apart di esey, ora di tuma vacuna ta bon pa bin cu e carchi di AZV tambe. Mester di e number di AZV sigur. Esey ta pa personanan riba 60. E aña aki no mester di receta di dokter si ta riba 60 aña. Esnan bou di 60 aña y ta den e grupo di riesgo, si mester di receta di dokter, plus nan carchi di AZV. Sharline Koolman durante e conferencia a splica cu tin mucha bao di 2 aña, cual tambe ta cay bao di grupo di riesgo y si e ta bou di tratamento i un kinderarts, e dokter ta na altura di importante pa yama kinderarts y tuma e receta. Apart di esey por cumpre, pero na MFA nan no por bende esaki mirando e parti di placa.
Si bo kier cump’re, ta na DBZ so bo por bin pa haci esaki pa motibo cu e cahera ta sinta
E no ta obligatorio pero ta consehabel segun Sharline Koolman. Si mira informacionnan cu ta saliendo for di Merca e ultimo simannan aki, tin brote na diferente estado. E tin di haber tambe cu e temporada friu cu a cuminsa hopi mas tempran.
Prijs
E prijs tabata 15 florin antes y awo a bira 20 florin. E ta simplemente cu e vacuna cu tabata uza te cu aña pasa, tabata e Trivalent. Awor tin mas componente den e vacuna, esta Cuadrivalent. Pa e motibo ey e costo cu a hay’e, ta mas caro. Eigenlijk e 20 florin no ta cubri e gasto. Si kier cobra e prijs real e lo ta mas halto. A want’e toch na un prijs abao pasobra si mester a cobr’e, mester a cobra 30 pa 35 florin. Nan tey pa salubridad publico ta ok y hendenan ta proteha y no pa gana placa cun’e. Salubridad Publico ta carga resto di e gastonan. E ganashi ta pa e hendenan no bira malo y ta proteha. Si mester a bende na e prijs original, mester a bende hopi mas caro, segun Koolman.
