Diadomingo merdia, riba e caminda di Sero Pita pa Piedra Plat, na altura di Mandingo Snacks, un chauffeur bao di influencia di alcohol, a lastra un brik cu su Nissan Sentra, baha caminda na man drechi, dal contr’un mat’i kwihi.
E daño di auto tabata hopi. E chauffeur tabata herida cu sla na cara y na cabes cu tabata sangra. Polis a yega, pero a detene.
E chauffeur a bisa cu net e tabata sali fo’i cas pa cumpra un hamburger pa su tata, kende e ta cuida debi na un malesa. Pero saliendo pa bay cumpra hamburger, el a dal cu e auto pasobra e brake a faya y dos tire so a coy. No ta tur cuater wiel a traha riba brake, cu e consecuencia cu el a accidenta y keda herida.
Polis a bay cu e chauffeur warda pa asina subfiscal atende cu ne. A pidi pa un takelwagen pa kita e auto pasobra e auto a keda parcialmente riba caminda despues di su impacto riba e mat’i kwihi.
