Diadomingo marduga pa mas of menos 1:00 am, polis a presenta den e area di Matadera p’un problema di pareha cu a bay for di man. Ta na un adres na Matadera, unda un hende muhe a yega cas y parti sla riba e homber.
E tabata bou influencia di un of otro substancia. Cos a bay asina leu cu e hende muhe a pasa man p’un sker y hinca su pareha na su brasa. Polis a presenta y a detene e hende muhe, pa djey transport’e pa warda di polis den un dogcatcher.
Na warda e tin di bay duna cuenta di su acto dilanti un subfiscal, kende lo dicidi sea riba su libertad of encarcelacion.
