Den oranan di mainta, a drenta un yamada for di Kuststation informando Polis Maritimo cu 8 miya zuidwest den awanan teritorial di Aruba lo tin un lancha Venezolano ta tirando palabambra.
Pa 11:15 Polis Maritimo a bin encontra un lancha color blauw cu blanco mas of menos 8 miya nautico zuidwest di Aruba. Na momento cu a duna nan ordo pa para, nan a subi speed y sigui bai.
Despues di un persecucion y na un manera tactico, a logra para e lancha Venezolano yama “El Gina” cu 5 Venezolano abordo.
E 5 Venezolanonan a wordo deteni y treci tera pendiente di mas investigacion.
E Capitan a declara cu nan a tira 400 liña cu anzue pega na palambra. Polis Maritimo a bin cu nan y e boto Barcadera pa por continua cu e investigacion.
