Un muhe a dal un homber cu auto y tabatin menos bon intencion. Testigonan a mira tur loke el a comete y hasta a graba su movecion.
A avisa polis pa bay pura pasobra ta sospecha cu un muhe den un Yaris blanco a pasa auto riba un homber. Tur esaki a sosode den area di e supermercado banda di Post Kantoor.
El a dal e homber cu e auto. Djey el a purba huy pero testigonan a sigui e muhe. Polisnan a yega hopi liher y blokia su pasada banda di e rotonde di De La Sallestraat cu Caya Ernesto Petronia.
A pone sinta y djey cuminsa un investigacion y atende cu testigonan. No a topa e victima. Testigonan ta bisa polis cu e victima tabata herida. Despues di scucha e versionnan a bay over na detencion.
Ta sospecha cu tin cosnan intencional cu mandamento di auto riba hende. A confisca e Toyota Yaris blanco pa mas investigacion.
