Na Ponton diahuebs anochi a sosode un accidente poco pabou di Hua Run. Chauffeur a “hit and run” peaton bay cas sconde pa autoridad. Algun testigo a señala modelo, color y plachi number di auto envolvi. Den algun minuut a logra haya e vehiculo den cuestion para pafor di cas na Seneblar.
Unidad K9 a rondonea e becindario di e cas pa wak si por a haya e chauffeur sospechoso pero intento tabata envano.
Mayornan y ruman di e homber busca pa Polis no a keda contento cu presencia di prensa pafor di nan cas. Segun bisiñanan e hoben lo a bula cura di cas net prome cu Polis a yega. Un familiar a declara na Polis cu e ruman lo a yega cas baña den pura y baha na awa.
Takelwagen a confisca e Nissan March pendiente investigacion di Polis di Trafico.
