Diadomingo atardi pa 2:15 pm a drenta keho di un posibel fiesta grandi andando na un cas na Papilon. Na yegada polis a constata cu berdad tabatin poco musica. Pero mirando tamaño di e cas y e cantidad di auto para eydilanti, no tabata mustra nada for di normal. Polis a papia cu e doño di cas, cu a sigura cu no tin ningun sort’i fiesta sino ta un famia disfrutando di su diadomingo y cu berdad a inclui poco musica. A puntra polis si awor den pandemia no mag cende radio mas tampoco. Despues di un combersacion cortico, e doño di cas a bay bek paden y a baha e musica. Mirando cu a cumpli cabalmente cu locual Polis a instrui nan, a pone cu e patruya a bandona e sitio. Lo keda monitoria e adres den caso cu nota mas auto eynan. Autoridad a enfatisa cu gobierno a pasa un ley ultimo, relaciona cu e pandemia, den cual ta prohibi bishita na cas pa eventonan social. No mag invita ni un persona di bishita, ni cu ta famia, conoci of colega. Den cas por tin solamente e famia of esunnan cu ta comparti e mesun dak. |